PYD AED conference a ṭiak

United Pentecostal Church (NEI) Aizawl East District PYD Conference vawi 31-na chu North Vanlaiphai khelmualah neih a ni a, nizan khan a ṭiak. Inkhawmpui thupui chu 'I Pathian tawk turin inpeih rawh' tih a ni.

AED PYD inkhawmpui hi February 14, 2025 zan khan ṭan a ni a, February 15, Inrinni chhun khan N Vanlaiphai Leilet Kohhran biak-inah rorel niin, district PYD president Pastor J Lalhmingsanga'n a kaihruai a, rorel palai 375 an tel.

PYD hian kum khat dana neih ṭhin AED PYD Conference, February thla Pathianni vawi thumna hmanga neih ṭhin chu November thla Pathianni hmasa berah sawn an rel a; hei hi kohhran puiin a remtih chuan kum 2027-a inkhawmpuiah hman a ni ang.

Kum 2027-a AED PYD conference chu Kawlkulhah nghah a ni a, kum 2029 inkhawmpui chu Chhingchhipah nghah a ni bawk.