Graduation Day-ah zirlai 52 thlah

Laithangpuii College of Pharmacy chuan February 14, 2025 khan an hmunah Graduation Day vawi 9-na an hmang a, Lok Sabha MP Richard Vanlalhmangaiha khuallian niin, RIPANS Department of Pharmacy-a HoD Dr H Lalhlenmawia khualzahawm a ni.

Laithangpuii college of Pharmacy hi kum 2013-ah din niin, Pharmacy Council of India leh State Council for Technical Education pawmpui a ni a; zirlai 293-in an zir chhuak tawh. Tun ṭuma Graduation Day-ah hian zirlai 52 thlah an ni.

Richard Vanlalhmangaiha chuan, zirlai zo tharte chu taimakna leh tih tak takna nun nen an thiamna hmang ṭangkai turin a fuih a; hna thawhna tur an zawn hunah Mizoram chhungah chauh thawh tum lo a, Mizoram pawna thawk ngam turin a chah.

Khualzahawm Dr H Lalhlenmawia chuan, pharmacist-te chu damlote tana damdawi chawh chungchangah an pawimawh tak zet tih a sawi a; Mizoramah pharmacist indaih lohna a la nasa tih sawiin, damdawi siam chhuahna (manufacturing sector) lamah phei chuan pharmacist-te tan hna a a tam thu a sawi bawk.