RO-te'n duty-na tur an pan

17th February, 2025

March 12, 2025-a Chakma Autonomous District Council (CADC) huam chhunga Village Council (VC) inthlanpui neih tura inbuatsaihna kal zelah returning officer (RO) atana ruatte'n February 15, Inrinni zing khan an duty-na tur hmun an pan.

CADC VC inthlanpuia RO turte hi zing dar 7-ah an chhuak ṭan a, chawhma dar 11-ah an chhuak kim a; Lawngtlai district assistant district election officer Zoramsiama Hmar-in a vailiam a ni.

CADC-ah hian VC 88 awmin, seat 516 a awm a; voter 37,883 awmin, mipa 19,162 leh hmeichhia 18,721 an ni.