Sawhthing lei turin sorkar ngen

ZNP president Lalduhoma chuan, kut hnathawktute thawhrim rah a thlawna a luang ral ṭhin chu pawi a tih thu a sawi a; Mizoram sorkar chu sawhthing leisak tur-in a ngen.

Lalduhoma hian nimin khan an party inkhawm-ah thu sawiin, “Kut hnathawktute'n an thar chhuah hralhna tur rate hre lâwk loin hna an thawk ṭhin a, kuminah pawh sawhthing tam tak a ṭawih ral leh ta hi pawi kan tiin kut hnathawktute kan lainat tak zet a ni.," a ti a; kut hnathawktute'n lungmuang taka hna an thawh theih nan sawh-thing rate mumal tak sor-karin puang lâwk ṭhin se a duh thu a sawi.

Sorkarin a duh phawt chuan sawhthing lei nan NLUP sum pawh a hmang thei tih sawiin, Duhoma chuan, "Sorkar rate aia market rate a ṭhat zawk chuan sawhthing chíngtute’n a hralhnaah zalenna zau tak sorkar hian siamsak turin kan ngen a ni,” a ti.

ZNP President chuan, tunlaia gas harsa leh tih-chingpen a ni fo chu pawi an tih thu sawiin, "Sorkar hian gas tihching-pen a chingfel zo lo hi pawi kan ti. Chutih laia mite huat hlawh pawh huama Central YMA a pên chhuak hi a lawmawm-in thlamuanthlak kan ti hle," a ti a; CYMA hmalakna chuan hun kal zel turah rah ṭha a chhuah ngei an beisei thu a sawi.