Sikul fai thlan dan tur rel

Lawngtlai District Level Committee on Swachh Vidyalaya Puraskar 2016 chu nimin khan an chairman Dr A Muthamma, DC hoin a pisaah an
ṭhukhawm a, sikul fai thlan dan tur an ngaihtuah.

Meeting chuan, faina leh thianghlimna kawnga invawng ṭha sikul award dawng thei tur thlan chhuahte a hmuna kal chilha zir chiang turin September 5, 2016-ah District Level Verification Team kal chhuak se, an ti a; verification report aṭangin award dawng turte chu nemngheh ni se, tiin an rel.

District Level Verification Team hian an sikul tlawhte'n tui thianghlim hnianghnar-in an nei em tih te, inthiarna ṭha an nei em tih te, sahbawn nen kut an silfai ṭhin em tih te, sikul an enkawlna ṭhat leh ṭhat lohte leh faina kawnga naupangte rilru an kaihhruai ṭhat
leh ṭhat lohte an enfiah dawn a ni.