7th. Pay hman a nih theih nan Sum tam zawk pe turin ngen

Mizoram sorkar hna-thawk pawl hrang hrang intèlkhawmna, Federation of Mizoram Govt. Employees & Workers (FMGEW) chuan, nimin khan Mizoramah 7th. Pay hman a nih theih nan sum tam zawk Mizoram sorkar pe tura sorkar laipui an ngenna Governor Lt.Gen. Nirbhay Sharma hnenah an thehlut.

FMGEW hruaitute chuan, India rama sor-kar hnathawk pawl hrang hrangte'n September 2, 2016-a hlawh sang zawk leh thil chi hrang hrang ngiata nawrh an huaihawt tur chu zawm ve ngei tura sawmna an dawn thu an sawi a, "Nawrh huaihawt ní-ah hian nuar zawnga hma la ve loin, sorkar laipui hnenah 7th. Pay an hman ve theih nan sum tam zawk Mizoram state tana ruahmansak tura ngenna Governor hnena thehlut turin thutlukna kan siam a ni," an ti.

Sorkar laipui hnena FMGEW ngenna hi Governor aiawhin Secretary to Governor Biaktluanga'n a dawng a ni.