Lalringliana kâp hlumtu chhui mek

September 1, 2016 zing lam khan J Lalringliana (63), Mauchar chu an lo aṭanga hla vak lo-ah kah hlum a ni a; he thu ziah lai thleng hian a kâptu hriat a la ni lo a, police-in an chhui zui mek.

Mauchar YMA secretary HK Lalengmawia hnen aṭanga thu dawn danin, J Lalringliana hi a nupui leh an makpa Hmingthansanga te nen ramah an riak a, lo aṭanga
hla vak loah sa thang an kam a; Ningani zing dar 8 vel khan a makpa nen chuan an thang kam en turin an chhuak a. Kalna tur insema an in-
ṭhen hnuah a makpa chuan silai puak thâwm a hria a, J Lalringliana chu a au a, a chhân loh avangin a zawng a, thiin a hmu ta a ni.

He thil thleng hi police-te'n Sakawrdai OC hoin an ngaihven nghal a, Lalringliana kah hlumna hmunah kalin, tih tur ṭulte
an ti a, an chhui zui mek. Lalringliana ruang hi nimin khan Darlawn damdawi-inah enfiah a ni.