MZU JAC-in na zawka hmalak tum

MZU Joint Action Committee chuan thu-chhuah siamin, Tanhrila Food Corporation of India (FCI) kudam sawn a nih theih nana hma an lakna kal mekah, sorkar aṭangin an beisei ang chhanna an hmuh loh avangin na zawka hmalak an tum thu an puang.

MZU JAC tarlan dan-in, FCI kudam sawn tura sorkar nawr nan leh an thil phût tihhlawhtlin a nih loh vanga lungawi loh lantir nan September 6, 2016 aṭangin Mizoram University-a zirlai, teaching staff leh non-teaching staff zawng zawngte'n an lirtheiah ṭheuh flag dum an tár dawn. An hmalak zel dan tur ngaihtuahin September 5-ah ṭhutkhawm an tum a ni.