Hnam dang nei lo turin intiam

MZP headquarters, Champhai chuan Sep-tember 2, 2016 khan kum danga an lo tih thin dan angin hnam dang nupui/pasal atananei
lo tur a intiamkamna ní an hmang.

Hnam dang nupui/pasala nei lo tura intiam-kamna hi GM Higher Secondary School leh Champhai College-ahte hman a ni a; zirlai ṭha-hnem takin ‘Mizo ka nih avangin hnam dang nupui/pasal ka nei lo ang tih ka intiam e,’ tiin an intiam a ni.

Champhai MZP president Isaac Lalduh-awma chuan, Mizote chu hnam tlemtê, humhalh ngai an nih avangin
ṭhalai nupui/pasal nei turte'n Mizo hnam a dinchan zel theih nan hnam dang nupui/pasalah nei lo turin an ngen tih a sawi a, "Mizo hnam danah hmeichhiain hnam dang a neih chuan hnam dangah a intulut a, chuvangin, hnam dang pasala neih hi hnam phatsanna a ni," a ti.

Champhai MZP chuan, Champhaia hnam dang awmte dan ang taka an awm theihna turin hma an la zel dawn tih an tarlang a; Champhai khawpui chu Zo khawpui a nihna chhawm nun a nih zel thei nan ṭanpui turin mipuite an sáwm a ni.