Chief Justice of India a rawn zin

Chief Justice of India Justice Arvind Bobde chuan nimin khan Mizoram a rawn thleng a, naktukah Delhi panin a lêt leh dawn. Mizo­rama a chàm chhung­in Aizawl bak­ah, Reiek tlang a tlawh ang.

Chief Justice hian nimin tlai khan Mizoram State Legal Service Authority leh Environment Forest & Climate Change (EFCC) department-te'n Assembly Annexe-a an buatsaih Green Mizoram Programme a hmanpui a, EFCC minister TJ Lalnuntluanga pawh a tel. He hunah hian Chief Justice chu Mizoramin hmun hring a neih theihna atana hmalakna hrang hrangte hrilhfiah a ni.

Justice Arvind Bobde hian vawiin hian Reiek a tlawh dawn a, cleanliness programme a hawng ang. Chumi hnuah Reiek tlangah làwnpui a ni ang. Chief Justice of India hi Lengpui Airport-ah Law & Judicial Minister hoin official-te'n an lo hmuak a, a programme hrang hrangah Gauhati High Court Chief Justice aiawhin judge Justice Michael Zothankhuma'n a ṭawiawm dawn a ni.