J Lalringliana kâp hlumtu inpe

September 1, 2016 chawhma lama Mauchar khaw ram, Cachar leh Mizoram inrinaa thang ena kal J Lalringliana (63), Mauchar kâp hlumtu nia insawi, Lalromawia, North Ṭinghmun chu tun hnai khan Sakawrdai police-te hnenah a inpe.

Thu dawn danin Lalro-mawia hian a sa chânna lamah mihring a kâp hlum tih a hriatin a hlauthawng chuan bawihsâwm ngam loin a kalsan a, in lama a haw hnuah awm ngaihna hre loin a rilru a buai zui a, tun hnai khan Sakawrdai police kutah a inpe a ni.

J Lalringliana hi kar kal ta Ningani khan Cachar leh Mizoram inrìna báwrah a ṭhianpa nen thang enin an kal a, a ṭhianpa nen an kal hran hnuah a ṭhianpa chuan silai rî hriaa a va pan chuan J Lalringliana hi a lo thi fel tawh a ni.