Police-in ramvâk ṭhinte fimkhur turin chah

Mizoram police-te chuan thuchhuah siamin, Mizoramah silai nena ramvâk inkâp palh leh nunna chàn phah an tam ta hle tih a tarlang a, "Mi leh sa chian hmasa loa silai hmeh puah ṭhin vang a ni," tiin, ramvak ṭhinte chu fimkhur lehzual turin an chah.

Police thuchhuah chuan, ramvâk inkâp palh an awmin dan anga hremna lekkawh a ngaih
ṭhin avangin nunna chántu bakah, a tipalhtuin dan anga a tawrh a ngai fo ṭhin tih sawiin, "Sa pêla ramvah hi dan phal loh a ni a, sa kah tuma silai hmeh puah hi dan kalh a ni. Miin tihpalh vanga a mihringpui a kah hlumin lung-in tàn theih a ni. Thil dik lo tihna atana silai hman a nih avangin Arms Act hnuaiah hrem theih a ni bawk," an ti.

Police-te chuan sa pêla chhuak lo tur te, silai nena ramvâkte chu hriat chian loh kâp lo tur leh kah tur chian hmasa phawt zel turin an chah a ni.

Tunlaia tuia tlaa nunna chán an awm
ṭhin chungchangah Police PRO thuchhuah chuan, "Pumpelh vek theih ni lo mah se, fimkhurnaa pumpelh theih tam tak a awmin a lang. Nunna hlu tak chhanhim nan mai bakah, khawtlang mi tlawmngaite thâ tam tak sên a nih lohna turin mipuite fimkhur lehzual turin kan inchah a ni," an ti.

Police thuchhuah chuan, tui thiam lote chu lui hriat ngai loh dáia hleuh tum lo tur te, rilru fîm lo leh rûi chunga tuia chêng lo turtein mi tin an chah a ni.