COVID-19: Mizoram dinhmun Hripui vei mi 2 hmuh belh a ni

December 20, Pathianni khan Mizoramah Covid-19 vei mi pahnih hmuh belh a ni a, nimin khan mi 10 chhuahtir an ni thung. Mizorama hripui vei hmuh tawh zat chu mi 4,124 an ni a, swab sample endik tawh zat aṭangin 2.41% a tling.

Covid-19 vei Pathiannia hmuh chhuahte chu TrueNAT-PCR hmanga sample 124 endik aṭanga Lunglei leh Saituala hmuh chhuah mi pakhat ve ve an ni a; ZMC laboratory-ah sample endik a awm lo a, Rapid Antigen Test (RAT) hmanga district palia sample 59 endik zingah hripui vei hmuh an awm lo.

Mizoramah swab sample 1,71,305 endik tawh aṭangin Covid-19 positive mi 4,124 (2.41%) hmuh chhuah a ni tawh a, mipa 3,034 leh hmeichhia 1,090 an ni. Nimin tlai dar 5 thleng khan mi 3,973 (96.34%) chhuahtir an ni tawh a, mi pasarih (0.17%) thi tawhin, enkawl mek mi 144 (3.62%) an awm.

December 20-a Covid-19 vei hmuh tharte chu tun hnaia state pawn aṭanga haw ve ve an ni a; Lunglei Zotlanga mipa kum 27 mi leh Mimbung khuaa mipa kum 22 mi an ni. Khung hran lai, Covid-19 symptom nei lo ve ve an ni.

Nimin khan Covid-19 laka fihlîm tawh mi 10 chu enkawlna hmun aṭangin chhuahtir an ni a; Durtlang BSUP aṭangin mi pakhat, Lunglei Sazaikawn CCC aṭangin pathum leh Lawngtlai CCC aṭangin paruk 

an chhuak a ni. Mizoramah swab sample 1,71,305 endik tawh aṭangin Covid-19 positive mi 4,124 (2.41%) hmuh chhuah a ni tawh a, mipa 3,034 leh hmeichhia 1,090 an ni. Nimin tlai dar 5 thleng khan mi 3,973 (96.34%) chhuahtir an ni tawh a, mi pasarih (0.17%) thi tawhin, enkawl mek mi 144 (3.62%) an awm. Mizorama Covid-19 positive hmuh chhuah tawh mi 4,124 zinga mi 1,953 chu Mizoram chhunga kái an ni a, mi 2,171 chu state páwn aṭanga rawn lût an ni.