KHAWTHLIR

Thisen pe

Greenland Higher Secondary School chuan, Teachers' Day pualin nimin khan an sikulah blood donation camp an huaihawt a, Aizawl Civil Hospital tan mipa 89 leh hmeichhia 32-in thisen unit 121 an pe.

Zirlai tanpui

SEL Foundation (SunFlower Electronics) chuan nimin khan Pachhunga University College-a Physics, Chemistry leh Mathematics-a zirlai harsa, exam-a ti-
ṭha si mi pathum hnenah scholarship an hlân. SEL Foundation hian zirlai pathumte hnenah hian thla tin scholarship Rs. 1,500 an pe ṭhin a, nimin khan semester khat chhung atan Rs. 9,000 ṭheuh an hlan a ni.

Solar light sem

Minister R Lalzirliana chuan, nimin khan a bial chhunga Thingsul Tlangnuamah solar LED home light a sem. R Lalzirliana hian Thingsul Tlangnuam hi model village atan a thlan angin, chhungkaw 20 hnenah solar light a sem a ni.

Rúlin chuk hlum

September 4, 2016 zan dar 8 vel khan Romawia s/o Hrangveli, Vairengte Zalen Veng chu khawlai rûlin a chuk a, Vairengte damdawi-inah hruai niin, rúl túr thahna (anti venom) enkawl mah se, a hliam tuar loin nimin zing dar 4:30 vel khan a thi. Thu dawn danin, Romawia chuktu rûl hi khuavâng rûl (black krait) nia hriat a ni.

Inbuatsaih

Lunglei District Level Standing Committee chu nimin khan DC Abhijit Vijay Chaudhary hoin DC conference hall-ah an ṭhukhawm a; Special Summarry Revision of Electoral Roll lo awm leh tur atana inbuatsaih dan tur an ngaihtuah.

Building hawng

Lungleia Agriculture Complex-a ATMA office building thar chu, nimin khan Agriculture director Dr C Lalzarliana'n a hawng. In hi kum 2014 aṭangin RKVY hnuaia sum hmuh cheng nuai 20 hmanga sak ṭan a ni.