Teachers Day vawi 55-na hman a ni

Minister PC Lalthanliana pawhin Hausiampa Hall, Haulawngah MZP sub-headquarters, Haulawng huaihawta Tea-chers' Day puala in-khawm leh zirlai ti-
ṭha chawimawina hun a hmanpui a; Minister chuan, zirlaite tan high school an kal aṭangin an puitlin huna an nih duh leh tum tihchian a ṭhat thu a sawi.

PC Lalthanliana chuan, leh kha zir laia nuamsa taka zirin hlawtlinna a thlen lem lo tih sawiin, "Harsa taka zirte hi zirlai hlawhtling an ni duh hle zawk. Tuna zirlai zing aṭang hian sorkar officer lian ram hruaitu zahawm tak tak an la chhuak dawn a, taima leh ṭhahnemngai taka theihtawpa zir a ngai a ni," a ti a; zirtirtute chu an zahawmna vawng nung tlat tur leh taima taka zirtir turin a chah.

Lungleiah chuan MZP headquarters, Lunglei huai-hawtin zirtirtu pawl hrang hrangte nen Lunglei Press Club-ah hman a ni a, Lunglei MJA member-te'n an hmanpui.

He hunah hian Lung-lei district-a zirtirtu pawl hrang hrang - Higher Secondary School Lecturers Asso-ciation of Mizoram, Mizoram Secondary School Teachers Associtioan, Mizoram Middle School Teachers Association leh Mizoram Primary Teachers Association hruaitute an tel.

Zirtirtu pawlte hnenah chawimawina an hlan bakah, zirtirtu damlo mi 10 hnenah hnenah Rs. 1,000 ṭheuh an hlân a ni.

Serchhipah chuan DC Conference Hall-ah Serchhip khawpui leh a chhehvel khuaa zirtirtu zawng zawngte pualin Teachers' Day hman a ni a, Serchhip additional DC VL Remliana khuallian a ni. School Education Minister thuchah chhiar chhuah a ni a, thupui thlan bik an zirho nghal.

Serchhipa Teachers' Day hmanna inkhawm hi Serchhip DEO Lawm-awma'n a kaihruai a; VL Remliana chuan, zirtirtute chu mi pawi-mawh leh dinhmun zahawm taka ding an ni tih sawiin, "Hmân aṭang tawhin khaw khat pa ràwn niin kan hre ṭhin. Vawiina kan fate hnenah kawng dik in kawhhmuh ṭhin em tih zawhnate hi in thinlungah chám reng se kan duh," a ti.

Tlabungah pawh MZP sub-hqrs buatsaihin zirna in hrang hrangte'n a huhoin an hmang a, Tlabung senior medical officer Dr LP Malsawma khuallian a ni. Tlabung MZP chuan Teachers' Day hmannaa tel zirtirtute hnenah thilpek an hlân.

Teachers' Day-ah hian zirna in hrang hrangah zirlaite'n an zirtirtute hnenah thilpek an hlan a; hetih lai hian, zirtirtute hnena thilpek pek phal lohna sikul pawh a awm nual nia thu dawn a ni.