Kuminah ruihhlo avangin mi 49 an thi Nikumah mi 27-in nunna an chán

Excise & Narcotics dept. chhin chhiah danin, Mizoramah kumin chhungin nimin thleng khan ruihhlo avanga thi mi 49 an awm a, heng zinga 41 chu mipa an ni a, pariat chu hmeichhia an ni.

Kumina ruihhlo avanga nunna chan mi 49 zinga 27 chu heroin vang a ni a, pakhat chu parvon spas/proxyvon vang niin, a bak 21 chu ruihhlo chi hrang hrang vang a ni. Kumin chhunga ruihhlo avanga nunna chan hi kum 2015 chhunga ruihhlo avanga nunna chan aiin an tam tawh a, nikum chhung khan mi 27 (mipa 24, hmeichhia 3) an thi.

Hetihlai hian Excise & Narcotics dept. record-a a lan dan chuan kuminah (April 1) thleng zu chhe in avanga nunna chan an la awm lo.

Zu avanga nunna chan hi kum 1997 aṭang khan Mizoramah 57 an awm tawh a, heng zinga 50 mi mipa an ni a, pasarih chu hmeichhia an ni. Nunna chan zingah methylated spirit avanga nunna chan mi 39 an awm a, pethidine avanga nunna chan mi pahnih ve ve awmin, mi 14 te thihpui chu finfiah a ni lo.

Zu chhia avanga nunna chan dan

Kum Mipa Hmeichhia Total

1997 3 1 4

1998 Nil Nil Nil

1999 Nil Nil Nil

2000 7 2 9

2001 14 - 14

2002 Nil Nil Nil

2003 3 - 3

2004 6 - 6

2005 2 4 6

2006 5 - 5

2007 2 - 2

2008 6 - 6

2009 Nil Nil Nil

2010 Nil Nil Nil

2011 Nil Nil Nil

2012 Nil Nil Nil

2013 2 - 2

2014 Nil Nil Nil

2015 Nil Nil Nil

2016 Nil Nil Nil

(As on 21 April)

Grand Total 50 7 57