Mother Teresa mi thianghlima Puannaah Hawla khuallian

Nimin tlai dar 5 khan, Kolkata-a Mahajati Sadan Auditorium-ah Mother Teresa mi thianghlima puan lawmna inkhawm buatsaih a ni a, chief minister Lal Thanhawla khuallian a ni.

'Mother Teresa Cano-nisation Celebration prog-ramme hi Mother Teresa International Award Committee huai-hawta neih a ni a; chief justice of India hlui Altamas Kabir leh West Bengal Governor hlui Shyamal Sen ten an hawng.

Khuallian CM Lal Thanhawla bakah hian, Mizoram aṭangin Roman Catholic kohhran hruaitu eng emaw zat an tel.

West Bengal minister Siddiquilla Chowdhury leh Abdur Razzak Molla leh St. Xavier's College principal Rev.Dr J Felix Raj te pawh an tel bawk.

Mother Teresa mi thianghlima puan lawmna hi September 10 thleng chhunzawm a ni dawn a; vawiin hian East Bengal leh Mohammedan Sporting ten charity football match an khel ang a, September 10-ah St. Mary's School
aṭanga St. Paul's Cathedral thleng Mammoth Rally neih a ni ang.