KHAWTHLIR

Mamit MJA

MJA, Mamit district chu an president Lalhlupuia a thih avangin nimin khan office bearer an insiamrem a; president-ah PC Lalthanzuala, vice president-ah H Lalramliana, treasurer-ah Lalhuma, general secretary-ah C Lalramdinzela, secretary-ah R Lalnunmawia te an ruat.

Hindi training

School Education department leh Central Institute of Hindi, Shillong Regional Centre, Ministry of Human Resource Development ten Aizawl East SDEO huam chhung tana September 9-16, 2016 chhunga CSS Hindi Teachers' Orientation Training an buatsaih tur chu nimin khan DIET, Aizawlah SSA, Aizawl district DPC Lallianzuali Bawitlung-in a hawng.

Ruang hmu

September 4, 2016 chhuna Tlawng luia tla Lallawmkima (19) s/o Heleni, Electric Veng, Aizawl ruang chu nimin chawhma lam khan a tlakna bul lawkah hmuh a ni a, nimin vek khan vui a ni.

Kawng siam

Pangzawl khuaa lirthei neitute chuan, nimin khan an khua leh Thil-tlang inkar, National Highway 54 kawng chhe zual lai an siam ṭha a, kawng khuar zual lai chu lung leh leiin an hnawh. Hnatlangte hi Pangzawl VC member-te'n an
ṭawiawm.

V/C training

SIRD, Kolasib chuan nimin khan Ngopa RD block chhunga khaw 14-a village council member-te tan Ngopa BDO Training Hall-ah an buatsaih a, sorkar laipui scheme hrang hrang leh V/C-te mawhphurhna leh chanvo an zirtir.