Social Science National Seminar buatsaih a ni

Institute of Indian Languages & Literature chuan, nimin khan Hrang-bana College-ah Social Science National Seminar an buatsaih a, Higher & Technical Education mi-nister R Romawia'n a hmanpui.

HTE Minister chuan, ngaih-dante tlang taka sawi tur leh India hnam a ropui zel theih nan Mi-zote'n Hindi an thiam a pawi-mawh thu sawiin, "India ram hmun hrang hranga chêngte hi ram khata awm, India ram rorelna hnuaia awm kan nih avangin kan inpawh zawk nan te, inrem taka hna kan thawha hma kan lakho theih nan inbiakpawh zung zunga inkawm ngeihte a ngai," a ti a; Hindi chu inlungrualna kawnga ke pên a, inhriatthiam tawn zel nan a pawimawh thu a sawi.

R Romawia chuan, India rama
ṭawng hman lâr ber chu Hindi a nih avangin Mizote pawhin an thiam ve a ṭul tih a sawi a, "Ṭhangthar zirlai leh pastor zirlaite thleng hian duh tâwkin Hindi hi thiam ni se, Zofate'n state danga kal leh hna thawhna kawngah kan mutàn ṭhin tam tak hi a sutkiang ngei ka beisei," a ti.

Institute of Indian Languages & Literature (Premchand Peeth) Mizoram & New Delhi-a chairman Prof. Chawngthu Engineeri Jeeni chuan, "India ramin kum 70 zalenna a neih hnu hian India ram hi engtin nge kaihhruai zel a nih dawn. Ram hruaitu ṭha ni a, India tung ding tur hian ṭhalaite an pawimawh a, ram leh hnam tana thawk turin remna zawnga pên chhuah a ngai," a ti.

Seminar hian September 10, 2016 thleng a awh dawn a, Mahatma Ghandhi, Jawahar-lal Nehru, Sardar Valabhai Patel leh Dr Ambed-kar-te chanchin zirho a ni ang.