Kuthnathawktute hnathawh dan zirtir

KVK Champhai District chuan, nimin khan Kawlkulh North a kuthnathawktu pawl mem-ber-te leh tomato chingtute thil pawimawh hrang hrang an zitir.

Training kaihruaitu KVK sr. scientist Lalrinawmi Renthlei chuan, "Mithiamte hnen aṭanga zirtirna an dawnte lo zawm ngei chu thlai hrisel ṭha neihna leh hlawk taka thlai hralh theihna a ni," a ti.

KVK mithiamte hian sawhthing chingtute chu sawhthing tam ven dan an zirtir a, sawhthing tâm damdawi chi thum ṭheuh an pe nghal.

Hemi hnu hian Kawlkulha IWMP User Group member, greenhouse-a tomato chingte hnenah tomato chin dan dik leh a venhim dan an zirtir a, natna leh eichhetu rannung laka venna damdawi chi hrang hrang an sem nghal.