Lungpuizawlah sikul sak ṭhatsak tum

Parliamentary secretary Joseph Lalhimpuia chu nimin zing khan a bial chhung, Lungpuizawl khuaa tlawmngai pawlte nen an inkâwm a; Lungpuizawlah tuizém lian leh primary school bang chhia siam leh, middle school sak ṭhatna tur ngaihtuahpui a tum thu a sawi.

Joseph Lalhimpuia chuan, Congress party kaihhruai sorkarah hmasawnna hna tam tak thawh a nih thu leh thiam-thil (skill development) lamah nasa taka hmalak a nih thu a sawi a; Lungpuizawla handloom society-te tan puan tahna in chung tur rangva leh hmanraw dangte ngaihtuahsak a tum thu a sawi bawk.