Falkawnah Legal Awareness Campaign

Mizoram State Legal Services Authority leh Falkawn-a State Referral Hospital hotute chuan, nimin khan Refferal Hospital-ah 'Legal Awareness Campaign' an buatsaih.

Awarness campaign hi Refferal Hospital-a medical superintendent Dr. Lalhmuchhuaka'n kai-hruaiin, mithiamte'n thupui hrang hrang hmangin thu an sawi.

Dy. medical superintendent Dr. Jane R Ralte chuan 'Etiquette in Work Place and Public Relation' tih thupui hmanga thu sawiin, hnathawhna hmuna hawihhawmna vawn a pawimawh zia-te, communication skills pawimawh zia leh rinawm taka mahni hnathawh a pawimawhna te, hospital-a thawkte tan a mi biak dan leh dawnsawn dan uluk lehzual a ngaihdante leh harsatna hrang hrang avanga dam-dawi-in pantu mipuite ṭha taka kan lo dawnsawn a ṭulziate leh, thawktute pawh hetiang lam kawnga in tuaithar reng an mamawh thute a sawi.

Medical officer Dr. Zohmingmawii Hnamte chuan damdawi-in faina leh thianghlimna atan KAYAKALP bawhzui a pawimawh tih sawiin, "Damdawi-ina thawktute chu mipuite entawntlak khawpa a thianghlimna lama hma lak leh zirtirna kalpui a pawimawh," a ti.

Chawhnu lamah SCERT lecturer V Vanlal-ruati chuan 'Life Skills Edu-cation”leh“Child Protec-
-tion' tih thupuia hmanga thu sawiin, "Tunlai boruak thlir chung-in naupang kan enkawl danah leh hnathawhna hmuna kan awmdanah pawh midangte harsatna siam lo tura kan in zir deuh deuh a pawimawh a ni," a ti.

Thusawitu dang advocate T Lalnunsiama chuan thupuiah Law & Medical Practitioner thupui a hmang a, hemi hnu hian Health department-a thawktute tana hriat tur pawimawhte zirho a ni.