Eirawngbawlna gas endik thuai tum

Ei rawngbawlna gas dik tawk loh avanga mi-hring tana vanduaina thleng thei pumpelh nan, Serchhip-a MIZOFED chuan gas sup-ply a endik thuai an tum.

MIZOFED hotute chuan nimin khan gas dik tawk lo endik hna ṭan thuai an tum thu hi Serchhip Sub Hqrs. YMA hruaitute, District Consumers Association hruaitute leh thuthar thehdarhtute an hrilh a ni.

MIZOFED head mechanic Vanlalhnuna Chinzah chuan ei rawngbawlna gas endik chu tih ngei ngei tur a ni tih sawiin, kum 2 danah endik thin a nih thu a sawi a, "A endiktute hian uniform an ha ang a, an kawr hnungah Mandatory Inspection tih ziak a ni ang," a ti.