Vaivakawn MHIP-in jubilee lawm

Vaivakawn Branch MHIP chuan nimin khan Vaivakawn Presbyterian Kohhran Centenary Hall-ah an kum 40-na, ruby jubilee an lawm a, bialtu councillor Zonunsangi Fanai-in a hmanpui.

Zonunsangi Fanai chuan, hmei-chhiate chu áwm ném zawk an nih avanga insit mai lo a, theihna lan chhuahtir tura intihpaukhauh a ṭul thu a sawi a, "Ram rorelna leh khawtlang inrelbawlnaa chanvo nei turin theihna kan nei ve tih hriat reng a pawimawh. Ram leh khawtlang siam ṭha turin in chhung khur aṭanga bul ṭan a ngai," a ti.

Vaivakawn MHIP ruby jubilee lawmna hi an branch president H Lalawmpuii'n a kaihruai a, tlaiah jubilee lawmna ruai an ṭheh a ni.