Dan bawhchhia 170 man

National Tobacco Control Programme hnuaiah district hrang hranga Anti Tobacco Squad-te chuan kumin August thla chhung khan dan hrang hrang bawhchhia mi 170 an man a, meizial báwm lian (carton) 4,421 leh báwm tê (packet) 87 an man bawk.

Thu dawn danin, Anti Tobacco Squad-te hian August thla chhung khan squad drive ṭum 32 an nei a; chutah chuan COTPA bawhchhia mi an man a, Legal Metrology nen Packaged Commodities Act bawhchhia mi 32 manin, chu'ngte aṭang chuan meizial báwm lian (carton) 4,421 leh báwm tê (packet) 87 an man a ni.

August thla chhung vek khan Tobacco Cessation Clinic (TCC) mi 482-in an pan a, chung zinga 15.02% chuan zuk leh hmuam an sim. Zirna in 38 leh kohhran leh vantlang hmun 10-ah vaihlo ṭhat lohzia zirtirna hun an hmang a, workshop ṭum 10, meeting leh talk show ṭum ruk an nei bawk.