KHAWTHLIR

Thisen pe

Mamawii Higher Secondary School NSS-te chuan nimin khan an sikulah blood donation camp an huaihawt a, Aizawl Civil Hospital tan mipa 41 leh hmeichhia 15-te'n thisen unit 56 an pe.

Fiah lo ti

Congress party chuan thuchhuah siamin, MNF president Zoramthanga'n India ram chhung leh ram pawna hel leh sorkar inkara remna palai hna a thawh dan a sawifiah chu a fiah tâwk loa an ngaih thu an tarlang.

Entrepreneur training

Aizawl West College-a Centre for Entrepreneurship Development chuan Aizawl tih loh district khawpui pasariha Entrepreneurship Development Programme Training an pek chhunzawm a, an college zirtirtute'n nimin khan Serchhipah training an buatsaih. Programme hi UDPA department hnuaia National Urban Livelihood Mission hmangin kalpui a ni.

NLUP sem

Horticulture leh Agriculture department chuan, nimin khan an hnuaia NLUP thlangtute hnenah nimin khan Lungdai, Kawnpui leh Thingdawlah ṭanpuina an sem a, bialtu MLA Hmingdailova Khiangte-in a hman pui. Ṭanpuina hi serthlum, iskut, kuhva leh lakhuihthei chin thlangtu mi 96 hnenah Rs. Rs. 6,93,500 leh oil palm thlangtu mi 106 hnenah Rs. 10,60,000 sem a ni.

NIELIT Centre

Darlawn MHIP-te hmalaknain nimin khan Darlawnah NIELIT Study Centre hawn ṭan a ni a, Govt. deputy chief whip leh bialtu MLA RL Pianmawia'n BRC Conference Hall-ah a hawng. RL Pianmawia chuan, study centre chu ṭangkai taka hmang turin Darlawn mipuite a chah.

ZEP training

Zoram Entu Pawl chuan nimin khan khaw hrang hranga village health worker-te tan ZEP Conference Hall, Tlangnuamah RTI, PIL, ramhmul damdawi leh Su-Jok Therapy chungchang zirhona an buatsaih a, mithiamte'n thupui an sawi. Training-ah hian mi 35 an tel a ni.