SIPMIU hmalaknate thlirho

SIPMIU hnuaia committee sang, Investment Program Empowered Committee (IPEC) chu nimin khan an chairman Dr C Vanlalramsanga, UDPA secretary hoin Secretariat conference hall-ah an ṭhukhawm.

Dr C Vanlalramsanga chuan, SIPMIU chu India hmarchhak state-te tan a pawimawh thu sawiin, "Hna thawh
ṭhat a nih avangin Tranche 3-ah chuan Aizawl leh Agartala chiah an awm tawh a ni," a ti a; SIPMIU hna kalphung chu a hautak avang leh hmabak a la tam avangin IPEC member-te chu thâ thlah loa ṭang zel turin a chah.

IPEC hi North East Region Capital Cities Development Project (NERCCDIP)-in a hrin chhuah State Invest-ment Program Management and Im-plementation Unit (SIPMIU) tana com-mittee sang ber a ni a, SIPMIU Aizawl kal dan leh hmalakna tur hrang hrang relna ber a ni. IPEC-ah hian depart-ment hrang hrang aiawhin secretary-te leh head of department-te an tel.

Meeting-ah hian SIPMIU hmalakna kal mek, Tranche-2 leh Tranche-3 project thlirho a ni a; hmalakna atana pawimawh hrang hrang sum hman tur SIPMIU-in a thlente thlirhoin, a ṭul anga siam ṭhat a ni.