Lungleiah NULM hmalakna sawiho

Lunglei Task Force Committee chu nimin khan an chairman Abhijit Vijay Chaudhary, Lunglei DC hoin DC conference hall-ah an ṭhukhawm a, National Urban Livelihood Mission (NULM) hnuaia hmalaknate an sawiho.

Lunglei DC chuan, NULM chu Ministry of Housing and Urban Poverty Allviation hnuaia sorkar laipui hmalakna pawimawh tak a nih angin, khawpuia miretheite khaichhuahna tur leh an intun din theihna tura duan a nih thu a sawi a, "NULM hnuaiah hian mi harsate'n an thiamna tihpuna zirtir bakah, mimal leh pawl anga eizawnna tênau siamsak leh chenna tur in nei lote siamsak hi a tum ber a ni," a ti.

Lungleia UDPA officer Andrew Lalhruaia chuan, "Self employment programme tum ber chu mimal leh pawlte hnenah mahnia eizawnna ngêl-nghet an neih theih nana loan hmanga chhawmdawlna pek a ni," a ti a; harsatna hrang hrang vang-a loan la pek ve lohte chu UDPA leh bank-te
ṭang-ruala la pek theih dan ngaihtuah ni se a duh thu a sawi.

Andrew Lalhruaia sawi danin, Lunglei district-ah kum 2015-16 chhungin bank hrang hrang-in mimal 70 hnena loan pek tura an tihah 22 pek an ni tawh a, pawl 31 hnena pek tura tihah paruk pek a ni tawh.

Nimina Task Force Committee meeting-ah hian kum 2016-17 atan SEP loan hnuaiah Lung-leia bank 14 aṭangin mimal 50 leh pawl 10-te hnenah pek chhuah tura rel a ni.