PRISM-in NLUP hotute suspend turin ngen

PRISM chuan thu-chhuah siamin, Anti Cor-ruption Bureau (ACB)-in an chhui mek NLUP Implementing Board vice chairman PL Thanga leh secretary James Lalrin-chhana te chu suspend thuai turin sorkar an ngen.

PRISM chuan, PL Thanga leh James Lalrin-chhana te chu NLUP hnuaia sangha supply chung-changah ACB-in an chhui mek chungin office file khawih theiin pisa an la kai reng nia an hriat thu an sawi a,
"Office-a thuneitu, an thubuai chhui a nih laia office an kâi ṭhin vang hian file siamṭhat leh lehkha pawimawh tihchhiat leh tihdanglam a lo awm fo tawh a, hei vang hian heng mi pahnihte hi suspend nghal turin sorkar kan ngen a ni," an ti.