Hindi zirtirtute hlawh pe turin phût

ZNP ṭhalaite chuan thuchhuah siamin, sorkarin Hindi teacher-te'n hun rei tak chhung hlawh an pe thei lo chu veiawm an tih thu sawiin, hlawh pe thuai turin Mizoram sorkar an phût.

ZNP ṭhalaite chuan, Hindi zirtirtute thla hnih (January-Feb-ruary, 2016) hlawh tur sorkar laipuiin a pek chhuah tawh, tun thlenga sorkarin a la pe chhuak lo chu lungchhiatthlak an tih thu an sawi a, "Central-in Hindi teacher kumin January aṭanga hlawh la tawh lo 1,305-te hlawh tur Rs. 6,31,94,568 a release tawh pawh tun thlengin hlawh an la la thei lo a. Central-in a release tawh, an hnen la thleng si lo hi khawiah nge hrènsak a nih a rang lama chhui chhuak a, hlawh pe vat turin thuneitute kan phût a ni," an ti.