Serchhipah Legal awareness campaign nei

Serchhip District Legal Services Authority bultumin nimin khan Serchhip District Court conference hall-ah Police, Excise & Narcotics leh YMA Sub-Hqrs., Serchhip ten legal awareness campaign an nei a, Serchhip SP Lalringdika'n a hawng.

Lalringdika chuan, "India khua leh tui kan nih chuan kan phâk tâwkah dan kan hriat ve a ṭul a, dan hriat loh hi chhuanlam tling a ni lo. Mizote kan vanneihna chu sorkar leh tlawmngai pawlte'n thawhhona ṭha tak kan nei hi a ni ," a ti.

Awarness campaign hi District Legal Services Authority secretary Lalngaihmawia Zote-in a kaihruai a; Serchhip addl. SP MS Dawngkima'n NDPS Act chung-
chang a sawi a, Excise superintendent H Rongura'n MLPC Act chungchang a sawi thung.