Tleirawlte enkawl dan zirho

SCERT-a Adolescence Education Programme (AEP) / Population Edu-cation Cell-te chuan, nimin khan SCERT Auditorium-ah Aizawl hmâr lam huam chhunga YMA branch hrang hrang hruaitute pualin tleirawlte enkawlna chungchang zirhona an buatsaih a, SCERT director Laldawngliani Chawngthu-in a hmanpui.

Workshop-ah hian YMA hruaitute chu kawng hrang hranga tleirawlte leh naupangte venhim an nih theih dan tur te, tleirawlte nun tichhetu ruihhlo laka inven dan tur te, tleirawlte'n nun kawng dik an zawh theihna tura nun dan an thiam theih dan turte zirtir an ni a; sawihona hun hman a ni bawk.