Champhai district-ah Vawk lak luh an khap

Champhai DC chuan thupek chhuahin, an district chhunga vawk pûl hri léng mekah vawk tam tak an damloh bakah, tam tak an thih phah tawh tih a tarlang a; mipuite'n harsatna an tawh loh nan Champhai district chhungah hmun dang aṭanga vawk lak luh a khap.

Champhai DC chuan, "Hri léng hi awlsam taka vawk tan kai chhawn theih a ni a, ran hri léng vanga ran vulhtu leh mipuite'n harsatna an tawh lohna turin khapna thupek chhuah a ni," a ti. Thupek hian September 7, 2016 thleng a huam ang.

Khapna thupek hian hmun dang - Myanmar, state leh district dang aṭanga Champhai district-a vawk lak luh a huam a; vawk thi reng reng phûm zel tur a nih thu tarlan a ni bawk.