Press mite tan workshop buatsaih

Press Information Bureau (PIB) bultumin, nimin khan Kolasib-a Synod Conference Hall-ah Kolasib district-a journalist-te tan 'Improving information dissemination in rural areas' tih thupui zirhona hun buatsaih a ni.

Workshop kaihruaitu PIB deputy director Mangjangam Touthang chuan, workshop chu sorkar laipuiin hmasawnna hna a thawh mek chungchang, PIB leh thuthar thehdarhtute kaltlanga nasa zawka mipuite hnena puanzar a nih theih dan tur zirhona tur leh, PIB hna thawh dan kalphung inhrilhhriatna leh a chhawr ṭangkai dan turte sawihona tura buatsaih a nih thu a sawi.

Workshop-ah hian Kolasib DC H Lalengmawia, SIRD director Maria CT Zuali, Kolasib MJA president H Vanlalnghaka leh prominent press representative S Lalhmachhuana ten thupui hrang hrang an sawi.