Model village-ah Company ṭanpuina sem

Lok Sabha MP CL Ruala leh Rajya Sabha MP Ronald Sapa Tlau ten model village atana an thlan, Chhiahtlang leh Khawlailung khuate tana General Insurance Cor-poration of India - Re-in-sured (GIC-Re), Mum-bai-in corporate social responsibility (CSR) fund 2016-17 aṭanga ṭanpuina an pek tur first instalment chu a
dawngtu tura thlante hnen-ah nimin khan hlan a ni.

Ṭanpuina hlanna in-khawm hmanpuitu, Ser-chhip DC Dr Lalrozama chuan, Mizoram sor-karin Khawlailung leh Chhiahtlangte tana GIC-Re-in CSR hman an rem-tihsak angin, nikum aṭangin hmalak ṭan a nih thu a sawi a, "Ṭanpuina dawngtu leh hmangtute'n an thawh ṭhat vang leh a enkawltu Serchhip DRDA-te'n an vil ṭhat avangin a petute mit a tlung hle. Ṭanpuina dawngtute pawhin ṭha taka an kalpui leh ṭheuh ka beisei," a ti.

Kum 2016-17 atan hian GIC (Re) CSR aṭang-
in Khawlailungah mi harsa zawk chhungkaw 35 hnenah kawng hrang hranga eizawnna bul ṭanna tur Rs. 60,000 aia tam lo ṭheuh pek an ni a; sikul pathum - Middle School-I, Middle School-II leh Mt. Carmel School hnenah smart classroom project atan laptop, LCD, projector, screen, speaker leh a dangte pek a ni.

Chhiahtlang khuaa mi harsa zual chhungkaw 30 hnenah livelihood assistance Rs. 60,000 aia tam lo ṭheuh pek a ni a; smart class room project aṭangin Chhiahtlang MS leh National MS hnenah laptop, LCD, projector, screen, speaker leh a dangte pek a ni. Dumping ground an lo siam tawh panna leh a hungna tur siam nan Rs. 1,65,000 leh Health Sub-Centre panna kawng siamna tur pek a ni bawk.