Zu vanga thihna mualphothlak an ti

MPC party chuan thu-chhuah siamin, India rama hnam anga Kris-tian tamna ber state, Mizo-ramah zu vanga nunna chán an pung zel niin an tarlang a, pawi an tih thu leh hnam anga mualpho-thlak an tih thu an sawi.

MPC tarlan danin, kum 2014-ah Synod Hospi-tal-ah zu vanga admit mi 224 an awm a, chung zinga mi 14 chu an thi. Kum 2015-ah zu vangin mi 442 admit niin, mi 34 an thi a; kumin 2016-ah thla ruk (January-June) chhungin zu vanga admit mi 357 awmin, chung zinga mi 46 chu an thi a ni.

Synod Hospital-ah chauh ni loin, Aizawl Civil Hospital leh dam-dawi-in dangah pawh zu avanga thihna a thleng nasa nia sawiin, MPC chuan, "Kan ramin zu vanga thihna nasa tak kan tawh bakah, chhungkuaah buaina leh harsatna te, chhungkaw kehchhiatnate a thleng nasa hle," an ti.