Mamit district electoral roll tlangzarh

Mamit DC Lalbiaksangi chuan, nimin khan a pisaah Mamit district bika final Electoral Roll 2016 a tlangzarh. E. Roll tlangzarh tâka a lan danin, Mamit district-a Assembly constituency pathum - Hachhek, Dampa leh Mamit bialahte voter 61,091 an awm.

Mamit district-a electoral roll thara a lan danin, constituency pathum - Hachhek, Dampa leh Mamit biala voter 61,091 zinga 31,028 chu mipa niin, 30,063 chu hmeichhia an ni a; roll hlui aiin voter 1,376 (2.30%)-in an pung.

Roll tharah hian January 1, 2016-a kum 18 tlingte thun an ni a; Tripura-a relief camp-a Mizoram Bru awmte thun tel a ṭul avangin district dang rualin Mamit district-ah hian kum 2016 electoral roll peih hman a ni lo a, niminah an tlangzarh hman ta chauh a ni.