International Literacy Day hmang

September 8 kha Inter-national Literacy Day vawi 50-na a ni a; Mizoramah pawh School Education department huaihawtin khaw pathum - Mamit district-a West Phai-leng, Lawngtlai leh Lunglei district-a Tui-chawng khua-ahte hman a ni.

School Education department aṭanga thu dawn danin, Mizorama Literacy Day hmannate hi School Education department-in Total Lite-racy Drive an kalpuina district pathumte a ni a, a hmanna tur hian district pathuma khaw pakhat
ṭheuh an thlang a ni. A hmanna inkhawm hi department hotute'n an hmanpui a, department mite leh SSA leh RMSA-a thawkte an tel.

West Phaileng-a International Literacy Day hmannaa khuallian, School Education addi-tional director K Lalrin-tluanga chuan, School Education department-a Education Wing-a thawkte thawh ṭhat zarah Mizoram chu India rama ziak leh chhiar thiam tam lamah pahnihna a kai tawh tih a sawi a, pakhatna ni tur chuan nasa lehzuala ṭan tlan a ngaih thu a sawi.