Sum tam a pawimawh ber lo - PC Lalthanliana

Minister PC Lalthanliana chuan, bud-get-ah sum tam a pawimawh ber loh thu leh finna leh remhriatnate hman ṭangkai a pawimawh thu a sawi.

PC Lalthanliana hian nimina Service Association of Mizoram Minor Irrigation Technical Staffs (SAMMITS)-in Agri-culture conference hall-a inkhawm-pui a hmanpuinaah thu sawiin, "Engtin nge kan thiam, finna leh remhriatnate hman ṭangkai a nih ang tih ngaihtuaha ram leh hnam tana hmasawnna kalpui a ngai a, eng system nge ṭha a, eng nge ṭha lo tih ngaihtuah chhuah a pawimawh," a ti.

Agriculture leh horticulture lama thawktute hnathawh hlawhtlin nana pawimawh tak chu tui lâkna (irrigation) a nih avangin Minor Irrigation department chu an pawimawh hle tih sawiin, PC Lalthanliana chuan, "Kut hnathawktute tan phei chuan an kutkawih hlawhtlinna atana mamawh reng a ni," a ti a; tui a ṭhat
chuan Agriculture leh Horticulture depart--
ment-te hnathawh pawh a hlawh-tling thei dawn tih a sawi.

SAMMITS khawmpuiah hian an mem-ber nunna chán mi parukte sûnna hun an hman bakah, chawhnu lamah ro an rel a ni.