Sorkar hnathawk DA a pung

Finance department chuan thuchhuah siamin, Mizoram sorkara thawk revised pay hmangte tana dearness allowance (DA) rate chu 119% aṭanga 125%-ah tihsan a nih thu an tarlang. DA sanna hi 6% a ni.

Finance department tarlan danin, DA pung hi September 1, 2016 aṭanga pek tur a ni a; September 1, 2016 aṭanga chhiara thla thum chhunga pension tur te, sorkar hnathawk New Pension Scheme hmangtute leh GPF account nei ve thei lote tan DA 6%-a pung hi pawisa faia pek tura phalsak an ni.

Income Tax Act, 1961-in a phût angin, income tax pe sorkar hnathawkte pawh DA 6% pung hi sum faia pek tur a ni. An bialtu DDO-te'n pay bill-ah sorkar hnathawkte permanent account number an ziak lang ang a, Treasury-a pay bill an thehluh rualin sorkar hnathawkte'n income tax an pe ngei a ni tihlanna certificate chu pay bill-ah thil tel tur a ni.

September 1, 2016 aṭangin Mizoram sorkar hnuaia sorkar hnathawk group A,B,C leh D-te tan 6% DA pung hi an GPF account-ah dahsak a ni ang.