Zirlai thar lawmna buatsaih

Mizoram Polytechnic, Lunglei chuan nimin khan an multipurpose hall-ah zirlai thar lawmna hun an hmang a, Lunglei HPC vice chairman S Laldingliana, MLA-in a hmanpui. Inkhawmah hian zirlai lut thar turte'n thutiam an chham rual a ni.

S Laldinngliana chuan, Mizote thluak a ṭhat thu sawiin, "Zirna kan kalpui danah fawmkem kan ngah lutuk ṭhin avangin kan hlawhtling lo fo ṭhin. Zirlai kan nih chuan kan zirlaiah chauh insáwrbing ila, tih tak takna leh taimakna nena kan zir chuan hlawhtlinna kan nei ngei ngei ang," a ti.