Hmun hnihah tla hlum

September 10, 2016 zan leh Inrinni khan hmun hnihah chetsualna a thleng a, mi pahnihin nunna an chan.

September 10 zan dar 7 vel khan Christina Lallawmsangi (9) d/o Van-lal-diki, Salem Veng, Aizawl chu an inkhawm tur biak-in aṭangin a tla a, damdawi-in thlenpui a nih hnuah a hliam tuar loin a thi a, nimin khan vui a ni.

V Lalsangvunga (45) s/o V Roliana, Buarpui, Lunglei district chu Inrinni chawhnu dar 2 vel khan Buarpui leh Thenzawl inkara Tlawng luiah a tla hlum. Thu dawn danin, V Lalsangvunga hi Tlawng lei chhaka an leiletah a feh a, Tlawng lui hleuh kâi a tumna lamah chesualin, a tla hlum a ni. A ruang chu Buarpui leh an chhehvel khaw mite'n an zawng a, nimin chawhnu dar 1 vel khan hmuh a ni.