MST bus chesualah mi 5 an hliam

September 10, 2016 chhun dar 1:30 vel khan Aizawl aṭanga Zohmun pan Mizoram State Transport bus MZ-01 F-4011 chu East Phaileng leh Keprân khaw inkarah chesualin, kawng thlangah a lum a, mi panga an hliam.

Thu dawn danin, MST bus-ah hian mi 20 an chuang a, hliam pangate chu Darlawn damdawi-inah lak an ni a; a na zuala ngaih Khawmi, Vervek leh Thanṭhuama, Zohmunte chu Aizawl panpui an ni. Bus hi Kawlthangpuia (52), Chaltlang Lily Veng khalh a ni a; zu a in loh thu leh kawng síra lei ném vanga chesual an nih thu a sawi.

Bialtu MLA RL Pianmawia chuan hliamte chu Rs. 500
ṭheuhin a kan a, hliam na zualte chu Rs. 1,000 a pe thung.