Truck neitute'n FCI kudam sawn an duh

Mizoram Truck Owners' Association (MTOA) chuan thuchhuah siamin, Tanhrila Food Corporation of India (FCI) kudam chu sawn chhuah ni se an duh thu an tarlang a, "Sorkar hian vantlang tana hnawk lo tur leh a phurtu truck tan pawha remchang turin buhfai kudam hi hmun dangah sawn se tih hi kan duhthusam a ni," an ti.

MTOA chuan, Traffic SP-in Mizoram University leh Tanhril kawng péngthuam
aṭanga MZU panna kawngpui dungah truck din phal a nih loh thu a chhuah chungchang chu vawi tam tak an ngaihtuah tawh ṭhin thu sawiin, "Kan motor-te vantlang tana hnawksaka a ding ṭhin leh lamlian kan rap chhe ṭhin hi pawi kan ti a, Tanhril veng chhung péngṭhuam kan titâwt leh MZU kawng kan tichêpte hi hrehawm kan ti tak zet a ni," an ti a; inthlahrung tak chunga mipui ei tur buhfai an phurh
ṭhin thu an sawi.