Nu pahnih thattu an la man lo

Siaha district-a Chhuarlung khaw nu pahnih, September 8, 2016-a leilet thlama thattute chu nimin thleng khan police-te'n an la man lo a, an chhui zui mek zel.

Thu dawn danin, Chhuarlung khaw nu pahnih tualthih thu-ah hian police-te chuan rinhlelh man an la nei lo a; Chhuarlung khuaah hian September 9 leh 10 khan Siaha additional SP Francis Lalnuntluanga, SDPO J Laicha, Siaha Police Station OC Vanlalsiama leh serista Rochungnunga an kal leh a ni.

Tarlan tawh angin, Z Elizabeth (34) leh N Sidei (65), Chuarlung khua ve vete chu ann khua aṭanga km. 1 vela hlaa leileta an fehnaah September 8, 2016 khan thia hmuh an ni.