Larsap leh Union Minister inkâwm

Zan khat riak tura lo zin, Union minister of state for textile Santosh Kumar Gangwar chuan nimin tlai khan Govenor Lt.Gen. Nirbhay Sharma chu Raj Bhavan-ah a kâwm.

Governor chuan, Mi­zo­ram chu Kaladan Multi Modal Transit Transport Project avangin Asia chhimchhak ramte leh India insumdawn tawnna atana hmun pawimawh tur a la nih thu a sawi a, "Mizoram hian kut themthiamna leh puantah kawngah hmun sang tak a luah a, a thawn chhuah leh hralhna kawngah hmalakna tur tam tak a la awm a ni," a ti.