Official-te leh ILO hotute ṭhukhawm

Chief secretary Lal­malsawma hoin nimin khan CS Conference Hall-ah International La­bour Organization (ILO) leh Mizoram sorkar offi­cial-te an ṭhukhawm. ILO hi United Nations Organisa­tion hnuaia pêng pakhat a ni.

Meeting-ah hian sor­kar laipuia National Skill Development Corporation-in Mizorama Skill Gap Analysis an lo neih tawh an sawiho a; zirchianna zulzuiin, Aizawl district-a khaw hrang hrangah ṭhalai hna thawk thei turte dinhmun leh an thawh theih turte zir chiang chungin, vocational training provider (VTP) leh sorkar hnuaia ITI-te thurualpuia training buatsaih an rel.

TMi dangte hnena training pe chhawng thei turte tan training hmasa ber chu August 17-28, 2015 chhungin Aizawl ITI-ah 'Training for Trai­ners' buatsaih an rel a ni.