Budget puitling pharh thei dawn lo

July 7, 2015-a Assembly budget session neih turah budget pangngai pharh theih a la nih dawn loh avangin thla li chhunga sum hman tur chu Vote on Accounts-a pharh a ni dawn.

Chief minister Lal Thanhawla chuan nimin khan Congress Bhavan-ah thu sawiin, "Tunah hian plan budget pawh kan la hre thei lo a, harsatna tam tak a awm phah. Vote on Account-a kan kal leh hrih a ngai dawn. State dang pawhin budget puitling an la nei thei bik lo," a ti.

Sum leh paiah state tam tak an mangang tih sawiin Chief Minister chuan, "Keini ang em em chuan an buai lo ang, thawhchhuah an neih vangin," a ti a; state dang mipuite chuan sorkar hausa neih dawn chuan thawh tam a ngai tih an hriat chian avangin, chhiah an chàwi nasat thu a sawi.