Police crime review meeting

Aizawl district-a police officer-te leh police station leh outpost-a case I.O-te chuan July 1-3, 2015 chhung khan Aizawl SP office conference hall-ah Crime Review Meeting an nei.

Review meeting ṭan­naah Aizawl SP C Lal­dina'n thu sawiin, police-te chu rinawmna leh inpekna tak tak nena an hna thawk tur leh chhel leh taima taka thawk turin a fuih. Nimina a kharna inkhawmah IGP Zorammawia leh DIG(NR) LT Hrangchala ten an hmanpui thung.

Review meeting-ah hian thubuai tihkhaw­muan (case pending)-tea ṭan lak dan tur te, public prosecutor-te nen chak zawka hmalakho dan tur te, dan anga misualte hrem ngei an nih theih nana tih tur pawimawhte sawiho a ni. Sawiho turin police station pakua aṭang­in special report case 36 leh non-special report case 354 chhawp chhuah a ni.

Crime review meeting neih chhungin kum 2014-15 chhunga police officer hna thawk ṭha thlan chhuah a ni a; Best IO-ah ASI Zaichhunga, Best Rural Police Officer-ah SI C Zonunmawia, Most Promising IO-ah ASI Tommy Zonunsanga, ASI Melody Lalengmawii leh ASI Lalrinpuii Pachuau, Most Hardworking IO-ah SI L Ramnghakmawia, SI H Lalchawimawia leh SI Lalrilhkima te an ni.