TRC-in an principal tur an dang

Romana College (TRC) Students' Union chuan nimin khan an college principal thar, Dr Rualthansanga chu an college-ah a hna a zawm lohna turin an dang.

T Romana College SU chuan, MIzoram Scho­larship Board secretary aṭanga TRC principal tura ruat Dr Rualthansanga chu an duh loh vang hrim hrima dang an nih loh thu sawiin, "Sorkarin principal min pek danah a lungawithlak loh kan ti a ni," an ti.

TRC SU tarlan danin, an college-a principal mawhphurhna la mektu Dr Lalrintluanga'n April 6, 2015-ah a hna a zawm a, tluang taka hna a thawh mek laia sorkarin principal mawhphurhna la tura sorkarin Dr Rualthansanga a dah chu an hrethiam lo a ni.

T Romana College SU-te chuan, principal nghet an duh thu sawiin, principal nghet tur an dah hma chuan tuna principal mawhphurhna latu Dr Lalrintluanga'n chelh tlang se an duh thu an tarlang.